admin
مجھے میرا دل مل گیا ہے ۔۔ شاہین آفریدی نے پہلی مرتبہ منگیتر سے متعلق کیا اعتراف کر لیا؟ بتاتے ہوئے شرما گئے
پاکستان کی جانی مانی شخصیت اور مشہور بالر شاہین شاہ آفریدی کی شادی سے شادی سے متعلق کئی خبریں سوشل میڈیا پر وائرل ہیں، لیکن اب خود انہوں نے بھی اپنی منگیتر سے متعلق خیالات کا اظہار کر دیا ہے۔
جیو نیوز کے پروگرام ایک دن جیو کے ساتھ میں شاہین آفریدی نے پہلی بار انٹرویو میں منگیتر انشاء آفریدی سے متعلق اپنے خیالات کا اظہار کیا۔ پروگرام میں بات چیت کرتے ہوئے پاکستانی کھلاڑی شاہین شاہ آفریدی نے اپنے مستقبل اور کرکٹ سے متعلق بھی دلچسپ گفتگو کی۔
شاہین آفریدی کا شاہد آفریدی کی بیٹی سے رشتے سے متعلق کہنا تھا کہ یہ میری خواہش تھی اور الحمداللہ یہ خواہش پوری ہوگی۔ جبکہ چہرے شرماہٹ کے ساتھ شاہین نے بتایا کہ میں ان سے مل چکا ہوں اور بہت جلد ملنے والے ہیں۔
انشاء آفریدی سے متعلق شاہین نے بتایا کہ جب میں خواتین مداحوں سے ملتا ہوں تو مجھے نہیں معلوم انشاء کو کیسا لگتا ہے، ہو سکتا ہے انہیں اچھا نہ لگتا ہو۔
منگنی سے متعلق شاہین نے بتایا کہ میں نے اپنا دل پا لیا ہے اور یہی میرے لیے بہت ہے، ان کی گفتگو سے اندازہ لگایا جا سکتا ہے کہ شاہین آفریدی اس رشتے کو لے کر کافی خوش بھی ہیں اور سنجیدہ بھی۔
شادی سے متعلق شاہین نے بتایا کہ فالحال شادی کا کوئی ارادہ نہیں ہے۔ میں اپنی پوری توجہ کرکٹ پر دیے ہوئے ہوں اور انشاء پڑھائی پر توجہ دیے ہوئے ہیں۔
واضح رہے 2021 میں شاہین آفریدی کی فیملی کی جانب سے شاہد آفریدی کی بیٹی انشاء آفریدی کے رشتے کے لیے رابطہ کیا گیا تھا، جس کی تصدیق بعدازاں شاہ آفریدی کی جانب سے بھی کی گئی تھی، ان کا کہنا تھا کہ بڑوں کی رضامندی سے یہ رشتہ طے ہوا ہے۔
