admin
قیمتیں کم ہونے کا خدشہ، بلوچستان کے زمینداروں نے غیر ملکی ٹماٹروں کیساتھ کیا کرنا شروع کر دیا؟
کوئٹہ)نیوز ڈیسک) بلوچستان میں غصے میں مبتلا زمینداروں نے قیمتیں کم ہونے کے خدشے کے پیش نظر ایران سے درآمد ٹماٹر پکڑ کر ضائع کر دیے
۔تفصیلات کے مطابق ہمسایہ ملک سے ٹماٹر لانے والے کنٹینر کو قلات کے علاقے منگچر میں زمینداروں نے روک لیا، زمینداروں نے ٹماٹر کی بڑی مقدار کنٹینر سے اتار کر
سڑک پر پھینک کر ضائع کر دی۔زمینداروں کا کہنا تھا کہ غیر ملکی ٹماٹر آنے سے مقامی ٹماٹر کی قیمتیں کم ہو جائیں گی۔
انھوں نے مطالبہ کیا کہ حکومت ایران اور دیگر ممالک سے ٹماٹر، پیاز اور دیگر زرعی اجناس امپورٹ کرنا بند کرے۔مشیر داخلہ کے
انتخابی حلقے میں ٹماٹر سڑک پر پھینکنے کی ویڈیو بھی سوشل میڈیا پر وائرل ہوئی ہے، جس میں ایک کنٹینر سے ٹماٹر کے کریٹ اتار
کر سڑک پر پھینکے جا رہے ہیں۔گزشتہ روز قلات، خالق آباد منگچر میں زمینداروں نے بیرون ملک سے پیاز ٹماٹر و دیگر اجناس کی درآمد کے
خلاف جوہان کراس بازار میں دھرنا دے کر کوئٹہ کراچی قومی شاہراہ بلاک کر دی تھی۔
رکاوٹ سے شاہراہ کے دونوں طرف سینکڑوں گاڑیاں اور ہزاروں مسافر پھنس گئے تھے،
گرمی کی وجہ سے خواتین اور بچے مشکلات سے دو چار ہوئے، اور اس دوران انتظامیہ غائب رہی۔
