پچھلے جمعہ سب کو ہنسایا اور آج سب کو رلا کر چلا گیا۔۔ کراچی کا نوجوان جو عمارت میں جھلسنے سے والدین سے ہمیشہ کے لیے دور ہوگیا

پچھلے جمعہ سب کو ہنسایا اور آج سب کو رلا کر چلا گیا۔۔ کراچی کا نوجوان جو عمارت میں جھلسنے سے والدین سے ہمیشہ کے لیے دور ہوگیا

جوانی کی موت کا غم سب سے زیادہ افسوس دیتا ہے۔ جن والدین کی اولادیں جوانی میں انہیں دنیا سے چھوڑ کر چلی گئی ان پر کیا گزرتی ہے یہ وہی جانتے ہیں۔

کراچی میں ایک افسوسناک واقعہ دو روز قبل پیش آیا تھا جب گلشن اقبال بلاک 11 میں واقع ایک فلیٹ میں آگ لگنے سے نوجوان جھلس کر جاں بحق ہوگیا۔

25 سالہ طلحہٰ کے آگ میں جھلسنے کی خبر آج سے دو دن قبل سوشل میڈیا پر سامنے آئی تھی تاہم آج بروز جمعہ نوجوان چل بسا۔

میڈیا رپورٹس کے مطابق دو روز قبل فلیٹ میں آتشزدگی میں 5 افراد زخمی ہوئے تھے جن میں سے 3 افراد کو کراچی سول اسپتال کے برنس وار ڈ منتقل کیا گیا تھا۔

پولیس کے مطابق آگ بجلی کی شارٹ سرکٹ کے باعث فلیٹ میں لگی تھی۔

انتقال کر جانے والے طلحہٰ کے اہلخانہ، دوست احباب غم سے نڈھال ہیں۔ طلحہٰ کے ایک دوست کی جانب سے ان کی تصویر شئیر کی گئی جس پر جذباتی کیپشن درج کیا۔ طلحہٰ کے دوست کا کہنا تھا کہ کبھی نہیں سوچا تھا کہ میری تم سے آخری ملاقات ہو گی۔ ہر وقت ہستے رہنے والا سب کو آج سب کو اداس کرگیا۔

انہوں نے مزید لکھا کہ گذشتہ جمعے ساتھ رہ کر ہنسایا اور اس جمعہ دور جا کر سب کو رلا دیا۔ تمہارے آخری الفاظ بھولوں گا نہیں کی تصویریں لے لو ساتھ پھر ملاقات ہو یا نہ ہو۔