admin
طالبہ نے کراچی کے معروف ٹک ٹاکرکیساتھ بھاگ کر پسند کی شادی کرلی
طالبہ نے کراچی کے معروف ٹک ٹاکرکیساتھ بھاگ کر پسند کی شادی کرلی
یونیورسٹی ٹائون پشاور کی رہائشی فرسٹ ایئر کی طالبہ نے سوشل میڈیا پر دوستی قائم ہونے پر
معروف ٹک ٹاکر کے ساتھ گھر سے بھاگ کر پسند کی شادی کرلی،پشاور پولیس نے جیکب آباد سے ملزم انس کو گرفتار کرکے طالبہ کو بازیاب کرالیا،طالبہ نے پسند کی شادی کا اعتراف کرلیا ۔روزنامہ جنگ کی رپورٹ کے مطابق ٹائون
کے رہائشی نے گزشتہ روز تھانہ ٹائون پولیس کو بتایاکہ
اس کی بیٹی مسماۃ ( ت) جو گورنمنٹ سکول میں فرسٹ ایئر کی طالبہ تھی گزشتہ روز گھر سے اسکول گئی اور واپس نہیں آئی انہوں نے بیٹی کی تلاش شروعکی تو معلوم ہوا کہ جس دن سے طالبہ لاپتہ ہوگئی تھی اسی دن اس نے کراچی کے رہائشی کے ساتھ فون پر بات کی تھی پولیس نے آخری بار لڑکی کے ساتھ فون پر بات کرنے والے کراچی کے
رہائشی کی تلاش شروع کی اوراسکے ساتھ بات کرنے پر دلہ زاک روڈ کے رہائشی کو شامل تفتیش کیا اوراس کی تفتیش کے بعد ہنگو کے رہائشی تک پہنچ کر اس سے تفتیش شروع کی اس نے پولیس کو بتایا کہ جس لڑکی کے ساتھ بات کرنے والا شخص کراچی میں ایک پولیس افسر کا پرائیویٹ ڈرائیور ہے اس نے پولیس کو مزید بتایا کہ ہنگو کی رہائشی خاتون کی کراچی میں شادی ہوگئی تھی جو اکثر مذکورہ ڈرائیور کے ساتھ
گائوں آتی تو ڈرائیور ان کے حجرے میں رات گزارتاتھا اور اس وجہ سے اس کی ڈرائیور کے ساتھ تعلق بن گیا تھا وقوعہ سے ایک روز قبل بھی ڈرائیور نے ہنگو کے رہائشی کے ساتھ فون پر بات کی تھی۔ تفتیش کے بعد ایس ایچ اوتھانہ ٹائون جاوید خان پولیس نفری کے ہمراہ کراچی پہنچے اور وہاں لڑکی کو انس نامی ٹک ٹاکر سمیت گرفتار کر لیا پولیس کاکہناہے کہ لڑکی نے دوران تفتیش پولیس کو بتایا کہ اس کی معروف ٹک ٹاکرکے ساتھ انسٹا گرام پر دوستی قائم ہو گئی تھی اس کے بعد وہ اکثر موبائل فون
پر بات کرتے تھے پولیس کا کہناہے کہ ملزم ٹک ٹاکر انس انتہائی ہوشیار ہے اس نے اپنی شناخت چھپانے اور گرفتاری سے بچنے کے لئے لڑکی کو اغوا کرنے سے ایک روز قبل اپنا موبائل آف کردیاتھا اور سوشل میڈیا سے اپنی تمام ویڈیوز بھی ڈیلیٹ کردی تھی اور ڈرائیور کے موبائل فون سے رابطے کرتاتھا جو اس کی گرفتاری کا سبب بنا گزشتہ روز پولیس نے انس کو جیکب آباد تھانہ سول لائن کراچی سے گرفتارکرکے طالبہ کو بازیاب کرالیا اور بعدازاں دونوں کو عدالت میں پیش کیا جہاں طالبہ نے انس کے ساتھ اپنی مرضی سے شادی رچانے کااعتراف کر لیا ہے
