admin
الیکشن کی بھرپور تیا ری، پی ٹی آئی نے 135 ٹکٹوں کا فیصلہ کر لیا، کس کس کو ٹکٹ ملے گا، کپتان کا بڑا اعلان
اسلام آباد(نیوز ڈیسک) ذرائع کا کہنا ہے کہ پی ٹی آئی نے ملک بھر میں عوامی رابطہ مہم شروع کرنے کافیصلہ کیا ہے، منحرف ارکان کے حلقوں میں بھرپور جلسے کیے جائیں گے۔ پاکستان تحریک انصاف ( پی ٹی آئی) نے آئندہ الیکشن میں قومی اسمبلی کے 135 حلقوں میں اپنے امیدوار تبدیل نہ کرنے کا فیصلہ کیا ہے۔
نجی ٹی وی دنیا نیوز نے ذرائع کے حوالے سے دعویٰ کیا ہے کہ پی ٹی آئی نے فیصلہ کیا ہے کہ جن ارکان نے تحریک عدم اعتماد میں حکومت کا ساتھ دیا ،
آئندہ بھی انہیں ہی ٹکٹ دیا جائے گا۔ اس کے علاوہ منحرف ارکان کے حلقوں میں متبادل امیدواروں کیلئے مشاورت کا سلسلہ بھی جاری ہے۔ پی ٹی آئی کے اجلاس میں انتخابی اتحاد سے متعلق بھی غور کیا گیا،
بعض ارکان نے الیکشن میں کسی سے بھی اتحاد نہ کرنے کی تجویز دی جس کے بعد فیصلہ کیا گیا کہ اس حوالے سے مزید مشاورت کے بعد حتمی فیصلہ کیا جائے گا۔ پی ٹی آئی نے یہ فیصلہ بھی کیا ہے
کہ آئندہ الیکشن میں قومی اسمبلی کے تمام انتخابی حلقوں میں امیدوار میدان میں اتارے جائیں گے۔ دوسری جانب سوشل میڈیاپر ملک ریاض حسین کی طرف سے بتایاگیا ہے کہ ’سوشل میڈیا پر میری طرف سے خاتون اول کو سونے کا سیٹ پیش کیے جانے
بارے علیم خان سے منسوب ایک آڈیو گردش کررہی ہے ، یہ بات بالکل بے بنیاد اور غلط ہے ۔ میں واضح طورپر اس کی تردید کرتا ہوں اور ایسے معاملات میں ملوث کرنے کی بدنیتی پر مبنی کوشش کی بھی مذمت کرتا ہوں جو میرے متعلق نہیں ‘۔
