admin
دس بیٹوں کے بعد 39 سال کی عمر میں آخر اس عورت کی ایسی کون سی خواہش پوری ہوگئی کہ بعد اس نے مزید بچے پیدا نہ کرنے کا فیصلہ کرلیا
ہمارے معاشرے میں عام طور پر ایسی عورت کو بہت خوش نصیب سمجھا جاتا ہے جس کے صرف بیٹے ہی ہوں۔ ایک کے بعد ایک بیٹے پیدا کرنے والی ماں کو بہت خوش بخت قرار دیا جاتا ہے مگر انسان کی فطرت میں ہمیشہ جو نہ ملے اس کی خواہش ہوتی ہے ایسا ہی کچھ اس جوڑے کے ساتھ بھی تھا-
ایلیکس بریٹ نامی اس خاتوں کو اور اس کے شوہر ڈیوڈ جن کا تعلق اسکاٹش ہائی لینڈ یو کے سے تھا ہر بار ڈاکٹر یہی خوشخبری سناتے تھے کہ ان کے گھر بیٹا ہوا ہے یہاں تک کہ بیٹی کی خواہش میں اللہ نے اس کو دس بیٹوں سے نواز دیا جن کی عمریں سترہ سال سے دو سال تک تھی-
بڑی فیملی کا مطلب بڑی ذمہ داری ہوتا ہے ایلیکس بھی اپنی تمام ذمہ داریوں کو بہترین انداز میں خوشدلی سے ادا کرتی تھی۔ اس کو ہر ہفتے ان بیٹوں اور اپنے شوہر کے کپڑے دھونے پڑتے۔ ان کے لیے کھانا بنانا پڑتا اس کے ساتھ ساتھ گھر کی صفائی یہ سارے ایسے کام تھے جن کو کرتے کرتے ایلیکس تھک جاتی تھیں- اس کے ساتھ ساتھ ان کی عمر 39 سال ہو چکی تھی جس کے بعد کسی بھی عورت کی عمر ڈھلنی شروع ہو جاتی ہے-
مگر ان تمام ذمہ داریوں کے ساتھ ساتھ ایلیکس کو ایک بیٹی کی خواہش اداس کر دیتی تھی مگر اس بار جب وہ امید سے ہوئی تو اس کا دل امید اور ناامیدی کے جذبے سے بے چین ہو رہا تھا اس کا آخری بیٹا دو سال کا ہو چکا تھا-
اس کے بعد جب الٹرا ساونڈ کی رپورٹ میں اس کو یہ خوشخبری ملی کہ اس کا خواب اس بار پورا ہونے جا رہا ہے اور اس بار بالآخر دس بیٹوں کے بعد اس کو ایک بیٹی کی خوشخبری ملی تو اس کے شوہر ڈیوڈ نے بہت خوشی کا اظہار کیا-
اگرچہ بیٹی کی خواہش میں اس جوڑے نے ایک بڑی فیملی بنا ڈالی مگر وہ اب بہت خوش ہیں کہ ان کا خاندان کیمرون کے آنے کے بعد پورا ہو گیا ہے اس کے سارے بھائی بھی اس سے بہت پیار کرتے ہیں اور اسکے چھوٹے چھوٹے کام بہت پیار اور خوشدلی سے کرتے ہیں-
ہمارے معاشرے کے مطابق بیٹی کا بڑھاپے میں پیدا ہونا ماں باپ کے لیے ایک بوجھ گردانا جاتا ہے اور ماں باپ بیٹی کے پیدا ہوتے ہی اس کے لیے جہیز جمع کرنا شروع کر دیتے ہیں- مگر کیمرون وہ خوش نصیب بچی ہے جس کا خیال رکھنے کے لیے اس کے ماں باپ کے ساتھ اس کے بھائی بھی موجود ہیں-
