admin
میری بہن فوت ہوگئ ہے، اُس کے جنازے پہ جانا تھا ۔۔ سڑکیں بند ہونے کے باعث بہن کے جنازے پر نہ پہنچنے والا نوجوان رو پڑا
پورے ملک میں اس وقت افراتفری کا عالم ہے کیونکہ ملکی سیاست میں آئے روز کچھ نہ کچھ نیا دیکھنے کو مل رہا ہے۔
سابق وزیراعظم عمران خان نے آج اسلام آباد میں احتجاج کی کال دی اور ملک کے تمام لوگوں کو دارالحکومت آنے کی دعوت دی ہے۔
سوشل میڈیا پر کئی ویڈیوز شئیر کی جا رہی ہیں کہ لوگوں کی بڑی تعداد احتجاج میں شرکت کے لیے سفر کر رہی ہے لیکن حکومت نے بھی اس احتجاج کو روکنے کے لیے سخت اقدامات کیئے ہیں جس میں سڑکیں بلاک کرنے کا کام پہلے سے ہی شروع کر دیا گیا ہے۔
سڑکیں بند ہونے کی وجہ سے لوگوں کو شدید مشکلات کا سامنا کرنا پڑ رہا ہے کیونکہ وہ اپنی منزل تک نہیں پہنچ پا رہے ہیں۔ ایک نوجوان کی ویڈیو وائرل ہو رہی ہے جس میں اسے اپنی بہن کے جنازے میں شرکت کے لیے جانا ہوتا ہے لیکن سڑکیں بند ہونے کے باعث وہ نہیں جا سکا۔
ویڈیو میں نوجوان نے بتایا کہ میں سوات براستہ پنڈی ملتان جارہا ہوں۔ اس شخص نے بتایا کہ اس کی بہن ملتان میں فوت ہوگئی ہے اور میں بہت پریشان ہوں، اس کا 6 بجے جنازہ اٹھنا تھا لیکن وہاں نہیں جا سکتا۔ نوجوان نے بتایا کہ مجھ سمیت تمام مسافروں کو پبلک ٹرانسپورٹ سے اتار دیا گیا ہے، اور اب ہم پیدل اپنی منزل کی طرف جارہے ہیں۔
یاد رہے کہ پاکستان تحریک انصاف کے چئیرمین عمران خان آج پشاور سے لانگ مارچ کے لیے اسلام آباد جائیں گے جبکہ حکومت نے خیبر پختونخوا اور پنجاب کی سرحد کو اٹک خورد کے مقام پر کنٹینرز لگا کر بند رکھا ہے۔
