آسکر ایوارڈ میں تھپڑ کا تنازعہ، ول اسمتھ کی اہلیہ کس بیماری کا شکار ہیں، سر منڈوانے کی وجہ سامنے آگئی

آسکر ایوارڈ میں تھپڑ کا تنازعہ، ول اسمتھ کی اہلیہ کس بیماری کا شکار ہیں، سر منڈوانے کی وجہ سامنے آگئی

لاس اینجلس کے ڈولبی تھیٹر میں منعقد ہ آسکر ایوارڈ کی تقریب میں اہلیہ کا مذاق اڑانے پر اداکار ول اسمتھ کی جانب سے میزبان کرس راک کو تھپڑ مارنے کے بعد سوشل میڈیا صارفین نے جہاں واقعے پر افسوس کا اظہار کیا ہے وہیں جاڈا پنکیٹ کے سرمنڈوانے کے حوالے سے بھی چہ مگوئیاں

لاس اینجلس کے ڈولبی تھیٹر میں منعقد ہ آسکر ایوارڈ کی تقریب میں اہلیہ کا مذاق اڑانے پر اداکار ول اسمتھ کی جانب سے میزبان کرس راک کو تھپڑ مارنے

کے بعد سوشل میڈیا صارفین نے جہاں واقعے پر افسوس کا اظہار کیا ہے وہیں جاڈا پنکیٹ کے سرمنڈوانے کے حوالے سے بھی چہ مگوئیاں ہورہی ہے۔

اداکار ول اسمتھ کی اہلیہ جاڈا پنکیٹ اسمتھ نے 2021 میں ایلوپیشیا کی وجہ سے اپنے بالوں کے گرنے کے بارے میں مداحوں کو وضاحت پیش کی ہے۔

50 سالہ اداکارہ جاڈا پنکیٹ اسمتھ نے 2018 میں انکشاف کیا تھا کہ وہ ایلوپیشیا مرض کا شکار ہیں، اپنے حالیہ پیغام میں انہوں نے کہا کہ آپ سب جانتے ہیں کہ میں ایلوپیشیا سے لڑرہی ہوں۔ اپنے سر کی تصاویر کے ساتھ انہوں نے لکھا کہ اس لائن کو دیکھیں۔ اس کو چھپانا میرے لئے تھوڑا مشکل ہے، اس لیے میں نے سوچا کہ میں اسے شیئر کروں تاکہ آپ کوئی سوال نہ کریں۔

ایلوپیشیا کو داغ گنج پن بھی کہا جاتا ہے، یہ ایک ایسی حالت ہے جس میں جسم کے کچھ یا تمام حصوں سے بال جھڑ جاتے ہیں تاہم بیشتر کیسز میں میں کھوپڑی پر گنج پن کے چند دھبے بن جاتے ہیں، ہر ایک سکے کے سائز کے ہوتے ہیں۔ طبی ماہرین کے مطابق ایلوپیشیا کی بیماری میں بال اس قدر گرتے ہیں کہ گنج پن نظر آنے لگتا ہے جس کی وجہ سے انسان کی شخصیت بہت زیادہ متاثر ہوتی ہے اور پھر وہ ڈپریشن کا شکار ہوجاتا ہے۔ ایلوپیشیا ایریاٹا ایک نظامی خودکار قوت مدافعت کا عارضہ ہے جو بالوں کی نشوونما کو دباتا یا روکتا ہے جو پہلے سوزش اور بعد میں بالوں کے جھڑنے کا سبب بنتے ہیں۔ ایلوپیشیا کی شکار اہم اور مشہور و معروف شخصیات میں اداکار انتھونی کیریگن، امریکی ننجا کھلاڑی کیون بل، خاتون کانگریس رکن آیانا پریسلے، اداکار کرسٹوفر ریو اور اداکار ہ جاڈا پنکیٹ اسمتھ شامل ہیں۔