admin
نوکری سے تنگ آدمی نے ایسے کاغذ پر استعفیٰ لکھ دیا کہ کمپنی کو پوری دنیا میں شرمندہ کردیا
لندن(مانیٹرنگ ڈیسک) برطانیہ میں ایک آدمی نے اپنی کمپنی کے ناروا سلوک کی وجہ سے ملازمت سے استعفیٰ دے دیا مگر استعفیٰ ایسے کاغذ پر تحریر کیا کہ کمپنی کو دنیا کے سامنے شرمندہ کر دیا۔ دی سن کے مطابق یہ استعفیٰ 24فروری 2017ءکو لکھا گیا تھا جس کی تصویر اب سوشل میڈیا پر پوسٹ کی گئی ہے جو تیزی سے وائرل ہو رہی ہے۔ اس شخص نے اپنا استعفیٰ ٹوائلٹ پیپر پر لکھا۔
استعفے کی تحریر میں اس نے واضح کیا کہ وہ ٹوائلٹ پیپر کو استعفے کے لیے اپنے ساتھ کمپنی انتظامیہ کی طرف سے کیے جانے والے گھٹیا سلوک کی علامت کے طور پر استعمال کر رہا ہے۔ مزید وہ لکھتا ہے کہ مجھے لگتا ہے کہ کمپنی نے مجھے ٹوائلٹ پیپر کی طرح استعمال کیا اور استہزائیہ طور پر اس کمپنی کا انجام وہی ہونے جا رہا ہے جو ٹوائلٹ پیپر کا ہوتا ہے۔
رپورٹ کے مطابق اس استعفے کی تصویر ویب سائٹ Redditپر پوسٹ کی گئی ہے جہاں کمنٹس میں لوگ بھانت بھانت کے فقرے چست کر رہے ہیں۔ ایک آدمی نے لکھا ہے کہ ”میں تو یہ سوچ کر پریشان ہو رہا ہوں کہ جب اس آدمی کے باس کو یہ استعفیٰ ملا ہو گا تو اس کا ردعمل کیسا ہو گا؟‘
