admin
نوجوان کو بازیاب کرالیا
کراچی، پولیس نے سوشل میڈیا پر شیئر ویڈیو کا سراغ لگا کر نوجوان کو بازیاب کرالیا
نوجوان ایک شادی شدہ خاتون سے شادی کا خواہش مند ہے، اہل خانہ نے اسے اس عمل سے باز رکھنے کے لیے گھرمیںرنجیروں سے باندھ دیاتھا، پولیس حکام
کراچی( این این آئی۔ 10 اکتوبر2021ء) کراچی پولیس نے سوشل میڈیا پر وائرل ہونے والی ویڈیو کا سراغ لگا کر زنجیروں میں جکڑے ہوئے نوجوان کو بازیاب کرالیا۔پولیس ذرائع کے مطابق انٹرنیٹ پر ایک روز قبل نوجوان کی ویڈیو وائرل ہوئی، جسے زنجیروں میں جکڑا ہوا تھا۔نوجوان نے اپنی ویڈیو انٹرنیٹ پر خود ہی شیئر کی، جس میں اس نے بتایا کہ اسے گھر والوں نے زنجیروں سے باندھ کر رکھا ہوا ہے۔ویڈیو وائرل ہونے کے بعد تمام تھانوں نے اس کا سراغ لگانے کی کوشش کی، جس کے بعد ملیر پولیس اس میں کامیاب ہوئی۔ پولیس نے گھرمیں زنجیروں سے بندھے نوجوان کو شاہ لطیف ٹائون سے بازیاب کرایا۔ نوجوان کی شناخت حمزہ کے نام سے ہوئی ہے، جسے کسی اور نے نہیں بلکہ اپنے اہل خانہ نے زنجیروں سے باندھ کر رکھا ہوا تھا۔پولیس حکام کے مطابق نوجوان ایک شادی شدہ خاتون کی محبت میں مبتلا ہے اور ان سے شادی کا خواہش مند ہے، اہل خانہ نے اسے اس عمل سے باز رہنے اور سمجھانے کی کوشش کی مگر وہ باز نہ آیا، جس پر انہوں نے اسے گھر میں رکھنے کے لیے رنجیروں سے باندھ دیا۔
