admin
10 سال قبل انتقال کر جانیوالے برطانوی فوجی کو واپس ڈیوٹی پر بلا لیا گیا ، چند روز قبل مانچسٹر میں پیش آنے والا حیران کن واقعہ
مانچسٹر (ویب ڈیسک) 10سال قبل وفات پا جانے والے برطانوی فوجی اہلکار کے اہل خانہ کو محکمہ ٹرانسپورٹ کی طرف سے خط بھیجا گیا ہے جس میں سوال کیا گیا ہے کہ کیا وہ ایچ جی وی ڈرائیور کے طور پر خدمات نبھانا پسند کرے گا، خط موصول ہونے پر فوجی کے اہل خانہ نے
محکمہ ٹرانسپورٹ کے اس عمل کو غیر ذمہ دارانہ، غیر حساس اور ظالمانہ رویہ قرار دیا ہے، لانس کارپورل لی فولی کے خاندان کو فوجی کی ہلاکت کے10 سال بعد خط موصول ہونے پر احمقانہ غلطی قرار دیا جارہا ہے، فوجی کے60سالہ والد پائول نے خط کھولا تو تحریر دیکھ کر چونک گئے اور شکستہ دل کے ساتھ ماضی کی یادوں میں کھوگئے۔ انہوں نے کہا میں اس احمقانہ غلطی پر سخت ناراض ہوں اور کوئی معافی اب اس احساس کو دور نہیں کرسکتی۔ 26سالہ رائل انجینئر لی فولی جس نے اپنا ایچ جی وی لائسنس پاس کیا تھا، 2011ء میں افغانستان سے چھٹی پر گھر جاتے ہوئے ایک سڑک حادثے میں جان بحق ہوگیا تھا۔
ڈپارٹمنٹ فار ٹرانسپورٹ کا خط سابقہ رہائشی پتہ پر سائوتھ ویلز پہنچا جس کے نئے مالک نے اسے فوجی کے خاندان تک پہنچایا، ریٹائرڈ فیکٹری ورکر پال نے کہا خط میں فوجی کو براہ راست مخاطب کیا گیا تھا اور افرادی قوت میں کمی کے باعث ایچ جی وی ڈرائیوروں کے لیے مواقع موجود ہونے پر اس سے مرضی طلب کی گئی تھی، کسی کو خط بھیجنے سے قبل محکمہ کو اس سے متعلق معلومات کو چیک کرنا چاہیے تھا، ایک حکومتی ترجمان نے کہا ہے کہ ہم سابق فوجیوں، ان کے اہل خانہ اور سوگواروں کی وجہ سے کسی پریشانی یا الجھن کے لیے معذرت خواہ ہیں
اور اس ملک کی خدمت میں ان کی قربانی کے لیے شکر گزار ہیں، ایک لاری لائسنس والے تقریباً 10 لاکھ لوگوں کو ایک خط خود بخود بھیجا گیا اور بدقسمتی سے ایک انتظامی مسئلے نے ہمیں کاپی لسٹ کو تنگ کرنے سے معزول رکھا۔
