وہ ابھی زندہ ہیں– شہرت کے آسمان سے ایسے اوجھل ہوئیں کہ لوگ انہیں ڈھونڈتے ہی رہ گئے ۔۔۔صنم اقبال آج کہاں ہیں

وہ ابھی زندہ ہیں– شہرت کے آسمان سے ایسے اوجھل ہوئیں کہ لوگ انہیں ڈھونڈتے ہی رہ گئے ۔۔۔صنم اقبال آج کہاں ہیں

پاکستان کے ایسے کئی اداکار اور ستارے ہیں جنہوں نے عروج دیکھا اور پھر شہرت کے آسمان سے ایسے اوجھل ہوئے کہ لوگ انہیں ڈھونڈتے ہی رہ گئے لیکن انہوں نے پلٹ کر نہیں دیکھا۔۔یہ وہ ستارے تھے جو کسی دور میں ٹی وی ڈراموں کی جان تھے اور ان کے بغیر ایک کامیاب پراجیکٹ نامکمل تھا۔۔۔

صنم اقبال ایک بہت کامیاب اداکارہ تھیں جنہوں نے لاہور، کوئٹہ اور کراچی سینٹر سے کئی بہترین ڈراموں پر کام کیا۔۔۔ان کے سر فہرست ڈراموں میں سہاگن، تنہا تنہا، ڈھارس، سچ مچ جیسے نام شامل تھے۔۔۔

صنم اقبال اپنے کیرئیر کے عروج پر اچانک ہی غائب ہوگئیں اور ایک عرصہ تک ان کی کوئی خبر نہیں آئی۔۔۔پھر پانچ سال پہلے ایک مارننگ شو نے ان کے انتقال کی خبر دی اور یوں لگا جیسے فینز اس صدمہ سے نکل نہیں پائیں گے۔۔۔

لیکن پھر کئی سال اس خبر کی گردش میں رہنے کے بعد یہ تردید آگئی کہ نہیں وہ زندہ ہیں اور شادی کرکے ملک سے باہر جا چکی ہیں۔۔۔ صنم اقبال کا شمار ان اداکاراؤں میں سے تھا جو کم سے کم انٹرویوز دیتے تھے اور شوبز کی دنیا میں کام کرنے آئے تھے شہرت کی چمک دمک کا انہیں کوئی لالچ نہیں تھا۔۔۔

صنم اقبال کی یہ خبر سننے کے بعد لوگوں کو لگا کہ شاید وہ انڈسٹڑی میں واپس آجائیں گی یا کم سے کم کوئی انٹرویو دیں گی اپنے فینز کو مطمئن کرنے کے لئے۔۔۔لیکن ایسا نہیں ہوا اور یہ خبر بھی ایک سوال بن کر ہی رہ گئی۔۔۔

بارسوخ ذرائع کے مطابق صنم اقبال کینیڈا میں اپنے شوہر اور بچوں کے ہمراہ پرسکون زندگی گزار رہی ہیں ۔۔۔