admin
میں نے منت مانی تھی کہ بال نہیں کاٹوں گی جب تک کعبہ نہ چلی جاؤں ۔۔ وہ وقت جب زرتاج گل عمرہ کی ادائیگی کا بتاتے ہوئے رو پڑیں
پاکستان کی سابق وفاقی وزیر برائے ماحولیاتی تبدیلی زرتاج گل کی پی ٹی وی کے پروگرام سے پرانی ویڈیو کلپ سوشل میڈیا پر وائرل ہو رہی ہے جس میں وہ عمرہ ادائیگی سے متعلق بات کرتی ہیں۔
زرتاج گل ریاض الجنہ کا ایک واقعہ سناتی ہیں جس دوران ان کے آنسو جاری ہو جاتے ہیں۔
وہ یہ بات کہتے ہوئے اشکبار ہوئیں کہ جب ریاض الجنہ جاتے ہیں تو وہاں سبز قالین ہے وہاں آپ 2 رکعت نماز ادا کرتے ہیں۔ جس پر پروگرام میزبان یہ کہتے سنائی دیتے ہیں کہ آپ کے آنسو گرنے سے پہلے آپ کی دعا قبول ہوگی مجھے اپنے خدا پر یقین ہے۔
تین منٹ پندرہ سیکنڈز کی مختلف ویڈیو کلپ میں وہ کہتی ہیں کہ اللہ سب کی بیٹیوں کو سلامت رکھے کیونکہ وہ سب کے لیے بہت خاص ہوتی ہیں۔
انہوں نے کہا کہ میں نے اپنی خوشیوں میں اپنے حلقے کے ورکرز کو شامل کیا۔ زرتاج گل نے انٹرویو میں کہا کہ میں نے اور میری بیٹی نے عمرہ پر جانے کا ارادہ کیا۔
ان کا کہنا تھا کہ میں نے منت مانی تھی کہ اپنے بالوں کو قینچی نہیں لگاؤں گی جب تک میں پورا عمرہ نہیں کرتی۔
آگے چل کر سابق وفاقی وزیر زرتاج گل نے انٹرویو میں کہا تھا کہ خدا وہ وقت کب لائے گا کہ جب سب باآسانی عمرہ ادا کر سکیں گے۔
اُن کا کہنا تھا کہ جب میں نے خانہ کعبہ کے غلاف کو پکڑا تھا تو اور اس دوران اپنی مانگی گئی دعا کو یاد کرتی ہوں کہ اللہ تعالیٰ خانہ کعبہ کی چادر کے صدقے ہر بیٹی کی عزت اپنے ہاتھ میں محفوظ رکھنا۔
