admin
فہد مصطفی نے ایمان علی کے ساتھ کام نہ کرنے کی وجہ بتادی
کراچی (نیوز ڈیسک) فلم و ٹی وی کے مشہور اداکار فہد مصطفی نے اداکارہ ایمان علی کے ساتھ کام نہ کرنے کی وجہ بتادی۔
فہد مصطفی اب تک متعدد ڈراموں میں اداکاری کے جوہر دکھاچکے ہیں، صرف یہی نہیں بلکہ فہد مصطفی فلم نگری پر بھی چھائے ہوئے ہیں
اور اس کے ساتھ ساتھ ٹی وی شو، پروڈیوسر اور ہدایت کاری کے بھی فرائض بھی انجام دے چکے ہیں۔فہد مصطفی نے 2016 میں انجم شہزاد کی فلم ماہ میر میں اداکارہ ایمان علی کے ساتھ کام کیا تھا،
فلم کو لالی ووڈ میں پذیرائی تو ملی تھی تاہم ایک انٹریو میں جب فہد مصطفی سے پوچھا گیا کہ ایمان علی کے ساتھ کام کا تجربہ کیسا رہا تو اداکار کے جواب نے سب کو حیران کردیا تھا
۔فہد مصطفی کا کہنا تھا کہ ایمان علی زبردست اداکارہ ہیں تاہم میں نے انہیں فلم کے سیٹ پر ہی کہہ دیا تھا کہ میں تمہارے ساتھ آئندہ کام نہیں کروں گا۔ اداکار نے کہا کہ بحیثیت ایک شخصیت ایمان علی سے محبت ضرور ہے لیکن ان کے ساتھ کام کرنا بہت مشکل ہے۔
