admin
ماہرہ خان کی ’ہیلز‘ کی قیمت آپ کو حیران کر دے گی
لاہور (ویب ڈیسک) پاکستان کی صفِ اوّل اداکارہ ماہرہ خان کی حالیہ تصاویر میں پہنی گئی ’ریڈ ہیلز‘ کی قیمت جان کر صارفین دنگ رہ گئے۔ماہرہ خان ایک سٹائل آئیکون ہیں، اُن کا اپنا برانڈ سٹائل ہے اور وہ ہر لباس میں بےحد دلکش لگتی ہیں۔ وہ ان دنوں اپنی فلم ’قائد اعظم زندہ باد‘ کی تشہیر میں مصروف ہیں
جس کے لیے ماہرہ خان مشرقی ملبوسات سے لے کر مغربی طرز کے مختلف لباس زیب تن کر رہی ہیں۔اداکارہ کی حالیہ تصاویر میں اُنہیں کالی جینز اور سیاہ سِلک ٹاپ میں دیکھا گیا جس کے ساتھ اُنہوں نے سُرخ ہیلز پہنی ہوئی تھیں۔ماہرہ ’ریڈ ہیلز‘
میں خوبصورت لگ رہی تھیں لیکن ان ہیلز کی قیمت آپ کو چونکا دے گی، خصوصی ایڈیشن ہونے کی وجہ سے یہ ہیلز ایک ویب سائٹ پر 1014 ڈالرز کے فروخت ہو رہے ہیں۔ماہرہ کی ان ہیلز کی پاکستانی روپے میں قیمت 2 لاکھ 9 ہزار روپے بنتی ہے
۔دوسری جانب پاکستانی خوبرو اداکارہ ماہرہ خان اپنے حالیہ انٹرویو کے دوران شادی کا سوال گول کر گئیں۔ماہرہ خان کی نئی فلم ’قائدِ اعظم زندہ باد‘ عیدالاضحیٰ پر ریلیز کی جائے گی،
اداکارہ آج کل اس فلم کی تشہیر کے لیے کافی مصروف ہیں اور مختلف شوز میں شرکت کرتی دکھائی دے رہی ہیں۔ماہرہ خان نے حال ہی میں ایک ڈیجیٹل میڈیا پلیٹ فارم کو انٹرویو دیا جس میں اُن کا کہنا تھا
کہ وہ بھارتی اداکار شاہ رُخ خان سے متعلق پوچھے جانے والوں سوالوں سے اب تنگ آ چکی ہیں۔انہوں نے بتایا کہ وہ بھارتی اداکار امیتابھ بچن اور پاکستانی اداکار نعمان اعجاز کے ساتھ کام کرنے کی
خواہش مند ہیں۔اپنے انٹرویو کے دوران ماہرہ خان نے پاکستانی اداکار وہاج علی کی اداکاری کو بھی سراہا۔انہوں نے بتایا کہ آنے والی فلم ’قائدِ اعظم زندہ باد‘ اُن کا سب سے الگ اور منفرد
پروجیکٹ ہو گا۔شادی سے متعلق پوچھے گئے سوال کا جواب گول کرتے ہوئے ماہرہ خان کا کہنا تھا کہ میرے خیال میں میری شادی کا مجھ سے پہلے آپ کو پتہ ہو گا۔
