admin
مشہور زمانہ کارٹون سیریز کے کرداروں ٹام اینڈ جیری کے اصل نام کیا ہیں ؟
لاہور (ویب ڈیسک) چھوٹوں بڑوں سب ہی کے پسندیدہ کارٹونز ٹام اینڈ جیری کے اصل نام سُن کر سوشل میڈیا صارفین حیرانی میں مبتلا ہو گئے ہیں۔متعدد میڈیا رپورٹس میں ٹام اینڈ جیری کارٹونز کی کامیاب 8 دہائیوں کے گزرنے کے بعد اِن کارٹونک کرداروں ’ٹام‘ اور ’جیری‘ کے اصل ناموں سے پردہ اٹھایا گیا ہے
جس سے متعلق جان کر شائقین حیرانی کا اظہار کر رہے ہیں۔میڈیا رپورٹ کے مطابق ’ ٹام‘ کے کردار کا اصل نام ’تھامس جیسپر کیٹ سنیئر‘ جبکہ ’جیری‘ کا اصل نام ’گیرالڈ جنکس ماؤس‘ ہے۔جب ٹام اینڈ جیری کارٹونز پہلی بار 1940ء میں نشر کیے گئے تھے
اس سیریز میں اِن کا نام جیسپر اور جنکس ہی تھا۔ٹام اینڈ جیری کے اصل نام جان کر جہاں اسے دیکھنے والے حیران ہیں وہیں سوشل میڈیا صارفین کی جانب سے بھی دلچسپ تبصروں کا سلسلہ جاری ہے۔
واضح رہے کہ ٹام اینڈ جیری بلا شبہ دنیا کے مقبول ترین کارٹونز ہیں جنہیں دنیا کے کروڑوں بچے روزانہ شوق سے دیکھتے ہیں۔اِن کارٹونز کے خالق آسکر ایوارڈ یافتہ اینی میٹر، اِلسٹریٹر، فلمساز اور ہدایت کار جین ڈچ ہیں۔
