ہر قسم کے خوف سے نجات کا یہ انتہائی مجرب اور مقبول وظیفہ

ہر قسم کے خوف سے نجات کا یہ انتہائی مجرب اور مقبول وظیفہ

اللہ تبارک و تعالیٰ کے اسماء الحسنٰی میں سے ایک نام اللطیف ہے ۔ یہ اللہ تبارک و تعالیٰ کا صفاتی اسم ہے ۔ اللطیف کا مطلب ہے ، بہت زیادہ لطف و کرم فرمانے والا ۔ اخلاق حسنہ کے حصول اور ہر قسم کے خوف سے نجات کا یہ انتہائی مجرب اور مقبول وظیفہ ہے ۔ یا لطیف کا ورد کرنے کے بے شمار فوائد ، فضائل اور ثمرات ہیں ۔

یا لطیف کے وظیفہ کی برکت سے پڑھنے والے کی طبیعت میں اللہ تبارک و تعالیٰ کے بندوں کے لئے نرمی ، رحمی اور رقت پیدا ہو جاتی ہے اور اخلاق حسنہ نصیب ہو جاتے ہیں۔ اس اسم مبارک کا وظیفہ کرنے سے نفس کے احوال سے آگاہی نصیب ہو جاتی ہے ۔

اس وظیفے کو پڑھنے والا اپنے قلب اور اپنے نفس کو اللہ تبارک و تعالیٰ کی نافرمانی کے ارتکاب سے روک لیتا ہے ۔ اسی طرح یا لطیف کا ورد کرنے سے دیگر بہت سے روحانی و اخلاقی اسرار کی معرفت نصیب ہوتی ہے ۔ اگر یا لطیف کا وظیفہ مکمل کر کے آخر میں یہ الفاظ دہرا دیئے جائیں تو خوف سے نجات مل جاتی ہے:

لا تدرکہ الابصار و ھو یدرک الابصار و ھو اللطیف الخبیر ۔
اور حصول شفاء کے لئے اس کے آخر میں آیات شفاء میں سے کوئی سی بھی آیت ملا کر پڑھنی چاہئے ۔ اس سے اللہ تبارک و تعالیٰ شفا عطا فرما دیتا ہے جیسے:

یا لطیف الذی هو یطعمنی و یسقینی و اذا مرضت فهو یشفین ۔ اس کے علاوہ فتح مشکلات کے لئے بھی یا لطیف کا وظیفہ انتہائی مجرب اور مفید ہے۔

یا لطیف کا ورد کرتے وقت اس کے اوّل و آخر میں 11، 11 مرتبہ درود ابراہیمی پڑھ کر اس کا ورد ایک سو (100) مرتبہ ہر روز کریں۔اس وظیفہ کو آپ حسب توفیق و حسب منشاء جتنا عرصہ کے لئے چاہیں جاری رکھ سکتے ہیں ۔