ایسی سورت جو گنہگار کو معاف کروائے بغیر نہیں چھوڑے گی

ایسی سورت جو گنہگار کو معاف کروائے بغیر نہیں چھوڑے گی

حضرت ابوہریرہ رضی اللہ عنہ سے روایت ہے ، نبی ﷺ نے فرمایا :’’ قرآن مجید میں ایک سورت ہے جس کی

تیس آیتیں ہیں ۔ اس نے اپنے پڑھنے والے کی شفاعت کی حتی کہ اس کی مغفرت ہو گئی ۔ ( وہ سورت ہے ) ﴿ تَبَارَكَ الَّذِیْ بِیَدِہِ الْمُلْك ﴾سنن ابن ماجہ 3786

حضرت ابوہریرہ رضی اللہ عنہ سے روایت ہے ، رسول اللہ ﷺ نے فرمایا :’’ ﴿ قُلْ هُوَ اللہُ اَحَدٌ ﴾ ( سورہ اخلاص ) تہائی قرآن کے برابر ہے ۔‘سنن ابن ماجہ 3787

حضرت انس بن مالک رضی اللہ عنہ سے روایت ہے ، رسول اللہ ﷺ نے فرمایا :’’ ﴿ قُلْ هُوَ اللہُ اَحَدٌ ﴾ ( سورہ اخلاص ) قرآن کے تیسرے حصے کے برابر ہے ۔‘‘ سنن ابن ماجہ 3788

حضرت ابوسعید بن مُعلّٰی رضی اللہ عنہ سے روایت ہے ، رسول اللہ ﷺ نے مجھ سے فرمایا :’’ کیا میں مسجد سے نکلنے سے

پہلے تجھ کو قرآن مجید کی سب سے بڑی سورت نہ سکھا دوں ؟‘‘ ( اس کے بعد جب ) نبی ﷺ مسجد سے باہر تشریف لے جانے لگے

تو میں نے آپ کو یاد دہانی کرائی ۔ آپ ﷺ نے فرمایا :’’ ﴿ الْحَمْدُ لِلَّهِ رَبِّ الْعَالَمِينَ ﴾ یہی سبع مثانی

( سات بار بار دہرائی جانے والی آیات ) ہیں اور یہی قرآن عظیم ہے جو مجھے دیا گیا ہے ۔‘‘ سنن ابن ماجہ 3785