admin
ہریتک روشن بھی ماہرہ خان کی تعریف کرنے پر مجبور ، مگر کس بات پر ؟ مداحوں کے لیے سرپرائز
لاہور(ویب ڈیسک) حال ہی میں بالی ووڈ کے سُپر اسٹار ہریتک روشن نے سوشل میڈیا پر ماہرہ خان کی آنے والی فلم ’دی لیجنڈ آف دی مولاجٹ‘ میں ان کے کردار کا پوسٹر دیکھ کر اداکارہ کی تعریف کی تھی۔
جس پر ماہرہ خان نے ایک نجی ٹی وی پر انٹرویو کے دوران ہریتک روشن کے کمنٹ پر ردِعمل دیتے ہوئے کہا کہ ’ پبلک میں آکرکسی کو سراہنا یقیناً ایک اسٹار کے لیے آسان نہیں ہوتا لیکن ہریتھک روشن نے یہ سوچے بغیر جو انہیں لگا لکھ دیا اور تعریف کی‘
۔ماہرہ نے کہا کہ ’ہریتک روشن کی جانب سے تعریف کرنے پر خوشی ہوئی لیکن انہوں نے اداکار کو پرائیویٹلی کیا جواب دیا یہ ان کی ذاتی گفتگو ہے جو وہ سب کو بتانا نہیں چاہتیں‘۔ماہرہ کا کہنا تھا کہ بالی وڈ کے بہت سے دوستوں کے ساتھ وہ اب بھی رابطے میں ہیں اور اکثر ان کے کام کی تعریف بھی کرتی ہیں
لیکن پبلک میں انہیں بھارتی اداکاروں کی تعریف کرتے ہوئے ڈر لگتا ہے.یاد رہے کہ اداکارہ ماہرہ خان ان دنوں اپنی آنے والی فلم ’دی لیجنڈ آف دی مولا جٹ‘ کی پروموشن میں مصروف ہیں جوکہ آج سے پاکستان سمیت دنیا کے کئی ممالک میں سنیما گھروں میں پیش کی جارہی ہے۔
خیال رہے کہ ماہرہ خان نے اپنے کردار سے متعلق انسٹاگرام پر ایک تصویر پوسٹ کی تھی جس پر پاکستانی اداکاروں سمیت بالی ووڈ اسٹار ہریتک روشن نے بھی ان کی تعریف کی تھی۔
