admin
تیرا کیا بنے گا کالیا شاہین شاہ کی زبردست باولنک روہت شرما کے لیے خطرے کی گھنٹی بجا دی
پاکستان کے فاسٹ بولر شاہین شاہ آفریدی ٹی ٹوئنٹی ورلڈ کپ کے وارم اپ میچ میں مکمل وارم اپ ہوکر ایکشن میں آگئے۔
برسبین میں شاہین شاہ آفریدی نے وارم اپ میچ میں افغانستان کے بیٹر رحمان اللّہ کو اپنے پہلے ہی اوور کی پانچویں گیند تیز یارکر کرائی
جو ان کے بائیں پاؤں کی انگلیوں پر لگی اور پاکستانی کھلاڑیوں
کے اپیل کرنے پر افغان بیٹر کو امپائر نے آؤٹ قرار دیا۔ شاہین شاہ آفریدی کی گیند لگنے کے بعد افغان بیٹر کا ٹیم کے فزیو نے معائنہ کیا اور بعد اذاں انہیں گراؤنڈ سے باہر لے کر جانا پڑا۔
افغانستان کے بیٹر کو چلنے میں مشکلات کے باعث ساتھی کھلاڑی ان کو پیٹھ پر اٹھا کر گراؤنڈ سے باہر لے کر گیا۔
اس موقع پر شاہین شاہ آفریدی سمیت دیگر پاکستانی کھلاڑیوں نے افغان بیٹر کی خیریت
بھی پوچھی۔ رپورٹس کے مطابق افغان بیٹر رحمان اللّہ کو اسکین کے لیے اسپتال بھی لے جایا گیا۔
واضح رہے کہ وارم میچ میں شاہین شاہ آفریدی نے افغانستان کے دونوں اوپنرز کی وکٹ حاصل کی تھی۔
