یہ ہمارے وزیراعظم کی نشانی ہے ۔۔ علی محمد اسمبلی سے عمران خان کی کون سی نشانی لے گئے اور عمران خان نے بطور وزیراعظم آخری حکم کیا دیا؟

یہ ہمارے وزیراعظم کی نشانی ہے ۔۔ علی محمد اسمبلی سے عمران خان کی کون سی نشانی لے گئے اور عمران خان نے بطور وزیراعظم آخری حکم کیا دیا؟

تحریک عدم اعتماد کامیاب ہوئی اور اب عمران خان پاکستان کے وزیراعظم نہیں رہے۔مگر اب یہ خبر سامنے آئی ہے کہ وفاقی وزیر علی محمد خان جاتے جاتے اپنے ساتھ عمران خان کی اسمبلی سے ایک نشانی لے گئے ہیں۔

سماجی رابطے کی ویب سائٹ ٹویٹر پر اپنے پیغام میں انہوں نے کہا کہ ہر ممبر قومی اسمبلی کی اسمبلی سیٹ پر یہ تقسیمی نمبر موجود ہوتا ہے اور وزیراعظم عمران خان کی سیٹ پر لگا یہ تقسیمی نمبر ساتھ لے آیا ہوں، وہاں نہیں چھوڑا۔

ہر ممبر قومی اسمبلی کی اسمبلی سیٹ پہ اس کا تقسیمی نمبرہوتا ہے۔ وزیراعظم @ImranKhanPTI کی وزیراعظم کی سیٹ پہ موجود یہ تقسیمی نمبر ساتھ لے آیا ہوں۔ وہاں نہیں چھوڑا۔ اس کو اپنے پاس محفوظ کرلیا ہے اور جب خان صاحب دوبارہ وزیراعظم بنیں گے تو اپنے ہاتھ سے یہ دوبارہ لگاؤنگا انشاءاللّٰہ۔ pic.twitter.com/sGcN7VnZqc

— Ali Muhammad Khan (@Ali_MuhammadPTI) April 10, 2022

اپنے ٹویٹ میں مزید یہ بھی کہا کہ اس کو اپنے پاس محفوظ کر لیا ہے، جب خان صاحب دوبارہ وزیراعظم بنیں گے تو اس کو اپنے ہاتھ سے دوبارہ لگاؤں گا انشاء اللہ۔ اس کے علاوہ آپکو یہاں یہ بتاتے چلیں کہ بحیثیت وزیراعظم پاکستان عمران خان کا کل آخری دن تھا تو انہوں نے وزیراعظم ہاؤس سے نکلنے سے پہلے آخری حکم کیا دیا؟

سابق وزیراعظم کے معاون خصوصی شہباز گِل کے مطابق وزیراعظم نے دفتر سے جانے سے پہلے اپنے آخری حکم میں اپنے پرنسپل سیکرٹری اعظم خان کی درخواست پر انہیں اسٹیبلشمنٹ ڈویژن رپورٹ کرنےکو کہا،عمران خان نے اعظم خان کی پیشہ ورانہ قابلیت کی تعریف کرتے ہوئے کہا کہ انہوں نے پوری ایمانداری اور محنت سے اپنی ذمہ داریاں نبھائیں۔