admin
الیکشن کمیشن کا نوٹس، وزیراعظم عمران خان کو اسلام آباد ہائیکورٹ نے بڑا جھٹکا دیدیا
اسلام آباد ہائیکورٹ نے وزیراعظم عمران خان کی جانب سے الیکشن کمیشن کے نوٹس کے خلاف دائر کی گئی درخواست پر اعتراض لگا دیاہے ۔
تفصیلات کے مطابق وزیراعظم عمران خان کی جانب سے جلسہ کرنے پر الیکشن کمیشن کے نوٹس کو اسلام آباد
ہائیکورٹ میں چیلنج کیا گیا تھا جس پر رجسٹرار اسلام آباد ہائیکورٹ نے اعتراض لگا دیاہے ، اعتراض میں کہا گیاہے کہ وزیراعظم کا بیان حلفی درخواست کے ساتھ منسلک نہیں ہے ،
وزیراعظم نے بائیو میٹرک کے بغیر درخواست دائر کی ۔نجی ٹی وی کے مطابق وزیر اعظم عمران خان اور وفاقی وزیر اسد عمر کی جانب سے اسلام آباد ہائیکور ٹ میں درخواست دائر کی گئی۔وزیر اعظم اور وفاقی وزیر کی جانب سے درخواست آج ہی سماعت کےلیے مقرر
کرنے کی استدعا بھی کی گئی۔وفاقی وزیر اسد عمر نے کہا کہ قانون سازی کے ذریعے پبلک آفس ہولڈر الیکشن مہم میں حصہ لینے کی اجازت دی گئی تھی،
الیکشن کمیشن نے وزیر اعظم سمیت ہم سب کو نوٹسز جاری کیے، وزیراعظم عمران خان اور میری دستخط سے پٹیشن دائر کی ہے، الیکشن کمیشن کے پاس قانون کی تشریح کا اختیار نہیں تھا۔
