عمرہ سے واپسی پر والد اور والدہ کے لیے تحفے لائے۔۔ بابر اعظم کا اپنے والد کو غلاف کعبہ کا تحفہ دینے کی ویڈیو وائرل

عمرہ سے واپسی پر والد اور والدہ کے لیے تحفے لائے۔۔ بابر اعظم کا اپنے والد کو غلاف کعبہ کا تحفہ دینے کی ویڈیو وائرل

پاکستان کرکٹ ٹیم کے کپتان بابر اعظم گذشتہ دنوں عمرہ ادائیگی کے لیے سعودی عرب گئے ہوئے تھے جن کی اب وطن واپسی ہوچکی ہے۔

بابر اعظم عمرہ سے واپسی پر لاہور پہنچے تو انہوں نے اپنے والد کو غلاف کعبہ کا مبارک تحفہ دیا جسے ان کے والد نے ہاتھ میں پکڑا اور اپنے چہرے سے لگا لیا۔

ویڈیو میں دیکھا جا سکتا ہے کہ بابر اعظم جب اپنے گھر لوٹتے ہیں تو والد ،بھائی اور ان کی والدہ گلے لگا کر انہیں خوبصورت انداز میں خوش آمدید کہتے ہیں۔

بعدازاں ایک کمرے میں بابر اعظم کے والد اور دیگر رشتہ بھی موجود ہوتے ہیں جس دوران وہ اپنے والد کو غلاف کعبہ کا ایک بڑا ٹکڑا بطور تحفے میں پیش کرتے ہیں جس کی ویڈیو سوشل میڈیا پر وائرل ہو رہی ہے۔

نمبر ون بیٹر بابر اعظم صرف اپنے والد کو ہی نہیں بلکہ اپنی والدہ کو بھی تحفے پیش کرتے ہیں۔ ویڈیو میں دیکھا جاتا ہے کہ بابر اعظم اپنی والدہ کو کڑے گفٹ کرتے ہیں۔