admin
رمیز راجہ کے انڈیا میں ورلڈکپ میں شرکت نہ کرنے کے بیان پر بھارتی وزیرکھیل بھی بول اُٹھا
بھارتی وزیر کھیل انوراگ ٹھاکر نے پاکستان کرکٹ بورڈ (پی سی بی) کے چیئرمین رمیز راجہ کے بیان پر سخت ردعمل کا اظہار کیا ہے۔
انوراگ ٹھاکر نے کہا کہ کوئی بھی ملک پاکستان سمیت آج کے دور میں بھارت کو نظر انداز نہیں کر سکتا، صحیح وقت کا انتظار کریں، بھارت کھیلوں کی دنیا کی بڑی طاقت ہے، اس لیے بھارت کو نظر انداز نہیں کیا جا سکتا اور ابھی جو بھی باتیں ہورہی ہیں وہ صرف کھوکھلے دعوے ہیں۔
واضح رہے کہ چیئرمین رمیز راجہ نے ایشیا کپ کے لیے بھارت نہ آنے پر بھارت نہ جانے کا اعلان کرتے ہوئے کہا ہے کہ بھارت نہ آیا تو پاکستان ورلڈ کپ کے لیے بھارت نہیں جائے گا۔
رمیز راجہ کا یہ بھی کہنا ہے کہ پاکستان بھارت میں نہیں کھیلے گا تو ورلڈ کپ کون دیکھے گا؟
بھارتی میڈیا کا کہنا ہے کہ رمیز راجہ کے بیان پر بھارت میں شدید غم و غصہ ہے، رمیز راجہ کے بیان نے طوفان برپا کر دیا ہے۔
