admin
رمضان المبارک میں مسجد اقصی پر اسرائیلی فوج کا بڑا حملہ ۔۔ درجنوں نمازی شدید زخمی
مسلمانوں کے عظیم مقام و قبلہ اول مسجد اقصی پر اسرائیلی فورسز نے دھاوا بول دیا ہے جس کے نتیجے میں بے شمار نمازی شدید زخمی ہو گئے ہیں۔
خبر رساں ایجنسی کے مطابق نماز فجر کے بعد سے ہی اسرائیلی فوج کی جانب سے نمازيوں پر آنسو گيس کے شيل اور اسٹن گرينيڈ پھينکے۔ حملے کے دوران نمازيوں کی جانب سے بھرپور مزاحمت کی گئی، بڑی تعداد میں نمازی فورسز سے لڑتے رہے اور جواباً پتھراؤ کيا۔ اسرائیلی حملے کے دوران درجنوں روزے دار زخمی ہوگئے
الجزيرہ کے مطابق سرسٹھ نمازیوں کو زخمی حالت میں اسپتال منتقل کیا گیا۔ امریکی خبر رساں ادارے ایسوسی ایٹڈ پریس کے مطابق مسجد اقصیٰ میں جمعے کی صبح نماز کیلئے ہزاروں افراد جمع تھے
خیال رہے کہ واضح نہیں ہے کہ اس تشدد کو کس چیز نے ہوا دی۔ مسجد کے انتظامات کرنے والے ادارے نے کہا ہے کہ اسرائیلی پولیس سورج طلوع ہونے سے قبل زبردستی مسجد میں داخل ہوئی۔ اس وقت ہزاروں افراد عبادت کے لیے مسجد میں موجود تھے
