admin
ڈوپٹہ تک نہ لینے والی اداکارائیں اب حجاب کرتی ہیں ۔۔ دین کو سمجھ کے اپنانے والی مشہور شخصیات اب کیا کرتی ہیں
کہتے ہیں جسے اللّٰہ ہدایت دیتا ہے وہ کسے بھی کر کے اسکی راہ پہ آجاتا ہے، ایسا ہی کچھ شوبز سے تعلق رکھنے والے اداکاروں کے ساتھ ہوا ہے۔ شوبز انڈسٹری سے آئے دن خبر آتی رہتی ہے
کہ فلاں نے اسلام کی خاطر شوبز کو خیر باد کہہ دیا، تو آج ہم انھی چند مشہور سابقہ اداکاراؤں کے حوالے سے بات کریں گے جنھوں نے اپنی زندگی کو پوری طرح بدل کے ایک نیا روپ لے لیا ہے۔
ثناء خان
سابقہ بھارتی اداکارہ ثناء خان کسی تعارف کی محتاج نہیں اور ان کی ماضی کی اور حالیہ زندگی سے متعلق بہت سے لوگ واقف ہیں۔ سال 2017 میں ثنا خان نے ہمیشہ کے لیے شوبز کو خیرباد کہہ دیا تھا اور باقی کی زندگی دین کی خدمت میں گزارنے کا اعلان کیا۔
ثناء بتاتی ہیں کہ ماضی میں میرے پاس سب کچھ تھا، پیسہ، نام، شہرت، اور میں اپنے مرضی کے مطابق سب کچھ کر سکتی تھی۔ لیکن سکون کی بہت کمی تھی، میں اکثر ذہنی تناؤ کا شکار رہتی تھی۔ سال 2019 کے رمضان میں مجھے خواب میں قبر دکھائی دیتی رہی، جس میں آگ ہوتی اور میں خود کو اس قبر میں پاتی۔
ان کا کہنا تھا کہ میں نے محسوس کیا کہ اللہ مجھے دکھا رہا ہے کہ اگر میں نے اپنی زندگی کو تبدیل نہیں کیا تو میرا یہی انجام ہو گا۔ ایک رات میں نے ایک کتاب پڑھی جس میں لکھا تھا کہ آپ نہیں چاہتیں کہ آپ کا آخری دن، حجاب پہننے کا پہلا دن ہو۔ اور اس نے میری زندگی بدل ڈالی اس کے بعد میں نے حجاب پہننا شروع کردیا۔
صنم چوہدری
صنم چوہدری کا شمار بھی انہی شخصیات میں ہوتا ہے جن کی زندگی قرآن نے بدل دی۔ صنم چوہدری ماضی میں کئی ڈراموں میں کام کر چکی ہیں مگر انہوں نے سال 2021 میں شوبز سے کنارہ کشی اختیار کرلی تھی۔ اسی حوالے سے انہوں نے بتایا
کہ “اللہ کی خاطر شوبز چھوڑ دیا کیونکہ مجھے اندر ہی اندر ندامت کا احساس ہوتا اور میں شدت سے محسوس کرتی کہ میرے پاس ہر چیز ہے مگر سکون نہیں”۔ صنم چوہدری اب ہمیشہ سر پر اسکارف پہنے ہی نظر آتی ہیں اور اس چیز کو اپنا فخر سمجھتی ہیں۔
نور بخاری
معروف سابقہ اداکارہ نور بخاری بھی شوبز کو خیر باد کہہ کر باقی کی زندگی اسلام کے راستے میں گرارنے کا فیصلہ کر چکی ہیں۔ ایک انٹرویو میں ان کا کہنا تھا کہ “آپ اِس راہ پر خود نہیں آتے، بلکہ اللہ آپ کو اس راستے کے لیے منتخب کرتا ہے، میں خود کو خوش قسمت سمجھتی ہوں کہ اللہ نے مجھے اس راستے کے لیے چنا”۔ نور بخاری اب ہمیشہ حجاب میں ملبوس دکھائی دیتی ہیں۔
