کروڑوں کا پرس رکھنے والی فرح خان کون ہیں اور بشریٰ بی بی سے ان کا کیا تعلق ہے؟ ان سے متعلق حیران کن باتیں جو بہت کم لوگ جانتے ہیں

کروڑوں کا پرس رکھنے والی فرح خان کون ہیں اور بشریٰ بی بی سے ان کا کیا تعلق ہے؟ ان سے متعلق حیران کن باتیں جو بہت کم لوگ جانتے ہیں

گزشتہ ایک دو دن سے جہاز میں بیٹحی پیلے رنگ کے لباس میں ملبوس خاتون کی تصاویر تیزی سے وائرل ہورہی ہیں جن کا نام فرح خان لیا جارہا ہے۔ یہ تصویر فرح کی لندن روانگی سے پہلے لی گئی ہے لیکن غور کرنے پر پتہ چلا ہے کہ پاکستانی سیاست میں فرح خان کافی عرصے سے موجود ہیں بلکہ یوں کہا جائے تو غلط نہ ہوگا کہ عمران خان کے وزیرِ اعظم بننے سے پہلے سے وہ مختلف تصاویر میں سامنے آتی رہیں۔ اس آرٹیکل میں ہم اپنے قارئین کو بتائیں گے کہ فرح خان آخر ہیں کون۔

“فرح خان نے میری والدہ اور وزیرِ اعظم کے ساتھ اچھا نہیں کیا“

یہ الفاظ بشریٰ بی بی کے صاحبزادے موسیٰ مانیکا نے فرح خان پر کرپشن کے الزامات سامنے آنے کے بعد ادا کیے۔ صرف موسیٰ مانیکا ہی نہیں بلکہ پی ٹی آئی چھوڑنے والے رہنما عبدالعلیم خان نے بھی کہا کہ فرح تقرری اور تبادلوں کے بدلے بھاری رقم بٹورتی رہیں جس کی انھوں نے کئی بار شکایت کی لیکن ان کی کسی نے نہیں سنی۔ اس کے علاوہ مسلم لیگ ن کے رہنما مفتاح اسماعیل کا دعویٰ ہے کہ فرح خان، بشریٰ بی بی کی دوست اور کسی کی فرنٹ ویمن تھیں۔ وہ پنجاب کے جہاز پر دبئی گئی اور اس وقت ان کے ہاتھ میں جو بیگ موجود تھا اس کی مالیت 90 ہزار ڈالر سے زائد یعنی پاکستانی تقریباً ڈیڑھ کروڑ روپے اور اس سے زیادہ بنتی ہے۔

نجی زندگی اور کرپشن کے الزامات

بشریٰ بی بی کی سہیلی فرح پر کرپشن کے بے شمار الزامات لگنے کے بعد انڈیپینڈینٹ اردو نے ان کی نجی زندگی سے متعلق چند حقائق بیان کیے ہیں جنھیں ہم اپنے پڑھنے والوں کے لئے یہاں لکھ رہے ہیں۔ فرح خان جن کا اصل نام فرحت شہزادی بتایا جارہا ہے، اپنی بہن مسرت شہزادی کے ساتھ 1995 میں شیخوپورہ سے لاہور آئیں فرح ایک مڈل کلاس خاندان سے تعلق رکھتی تھیں اور اسپورٹس کی شوقین تھیں۔ ان کی شادی احسن جمیل نامی شخص سے ہوئی جن کی یہ دوسری بیوی ہیں اور ان کے دو بچے ہیں۔ شادی کے بعد شوہر کا ساتھ دینے کی غرض سے انھوں نے احسن جمیل کا دفتر جوائن کیا اور انگریزی میں مہارت حاصل کرنے کے لئے باقاعدہ استاد رکھا۔

بشریٰ بی بی اور عمران خان کی شادی بھی فرح کے بنگلے پر ہوئی

فرح کے مزاج کے متعلق ان کے ایک دوست نے نام نہ شائع کرنے کی شرط پر بتایا کہ فرح غصے کی کافی تیز ہیں اور ان کے شوہر کے ہاؤسنگ سوسائٹی کے سرمایہ کار بھی ان سے بات کرتے ہوئے گھبراتے ہیں۔ جب فرح کی ملاقات بشریٰ بی بی سے ہوئی تو ان دونوں میں اتنی دوستی بڑھ گئی کہ بشریٰ کی شادی بھی فرح خان کے لاہور میں ڈیفنس والے بنگلے پر ہوئی۔ جنگ نیوز کے مطابق فرح خان پی ٹی آئی کی حکومت ختم ہونے سے پہلے 3 اپریل کی صبح دبئی چلی گئیں جبکہ ان کے شوہر احسن جمیل 31 مارچ کو ہی امریکا جاچکے تھے۔

میڈیا ہاؤسز فرح سے رابطہ کرنے کی کوشش کررہے ہیں

حالیہ بیان کے مطابق موسیٰ مانیکا فرح خاں سے کسی بھی تعلق کی تردید کرتے ہیں البتہ انڈیپینڈنٹ اردو اور دیگر میڈیا ہاؤسز فرح سے حقائق جاننے کے لئے رابطہ کرنے کی کوشش کررہے ہیں۔