بیٹیاں والد کے جسد خاکی پر پھول نچھاور کر رہی تھیں ۔۔ شہید پاکستانی فوجی کے گھرانے نے بیٹے کے جسد خاکی کا استقبال کیسے کیا؟ دیکھیے

بیٹیاں والد کے جسد خاکی پر پھول نچھاور کر رہی تھیں ۔۔ شہید پاکستانی فوجی کے گھرانے نے بیٹے کے جسد خاکی کا استقبال کیسے کیا؟ دیکھیے

پاکستان کے فوجی جوان ہر وقت دشمن کو شکست دینے کے لیے اور شہادت کے مرتبے پر فائز ہونے کے لیے ہمہ وقت تیار رہتے ہیں۔ یہی وجہ ہے کہ ان کے جنازے بھی توجہ حاصل کر لیتے ہیں۔

ہماری ویب ڈاٹ کام کی اس خبر میں آپ کو اسی حوالے سے بتائیں گے۔

اقوام متحدہ کے امن مشن پر جانے والے لیفٹینینٹ کرنل آصف علی اعوان کا جنازہ بھی جب اپنے وطن لایا گیا اور گھر کی چوکٹ کوعبور کرنے لگا تو اس جنازے پر گلاب کے پھولوں نچھاور کیے گئے۔

لیفٹینینٹ کرنل آصف علی اعوان اقوام متحدہ کے امن مشن میں اہم ذمہ داریاں نبھا رہے تھے۔ افریقی ملک کانگو میں دوران آپریشن پاکستانی ہلی کاپٹر کو شدت پسند تنظیم کی جانب سے نشانہ بنایا گیا تھا جس میں پاکستانی فوج کے 6 جوان شہید ہوئے تھے، آصف علی اعوان بھی انہی شہداء میں شامل ہیں۔

مظفرآباد آزاد کشمیر سے تعلق رکھنے والے جوان نے علاقے میں جب جنازہ لایا گیا تو علاقے کے مرد ہو یا عورت، بچے ہو یا جوان، سب ہی شہید کے جسد خاکی پر پھول نچھاور کر کے استقبال کر رہے تھے۔

اہلخانہ نے بیٹے کی شہادت کی خوشی میں گھر کو اسی طرح سجایا تھا کہ جیسے بیٹے کی شادی ہوئی ہو، اس سے اندازہ لگایا جا سکتا ہے کہ پاکستانی قوم کا وطن کے لیے جذبہ کس حد تک ہے۔

لیفٹینینٹ کرنل آصف علی اعوان شہید

جنکی حال ہی میں یو این مشن کانگو میں شہادت ہوئی
جب انکا جسد خاکی گھر پہنچا تو انکے اہلخانہ نے گھر کو پھولوں اور پاکستانی جھنڈیوں سے دلفریب انداز میں سجا کر انکا استقبال کیا۔۔۔

اللہ کرنل علی اور انکے دیگر شہید ساتھیوں کے درجات بلند فرمائے pic.twitter.com/S2tjGlbeqH

— Eiman Malik (@EimanMalikPak) April 4, 2022

سوشل میڈیا پر وائرل تصاویر میں سے ایک تصویر ایسی بھی تھی جس میں شہید لیفٹینینٹ کرنل آصف علی اعوان کی بیٹیاں والد کے جسد خاکی کے استقبال کے لیے ہاتھوں میں پھول لیے کھڑی ہیں۔

جبکہ ویڈیو میں دیکھا جا سکتا ہے کہ جسد خاکی کو پھولوں کی بارش کے دوران لایا جا رہا ہے۔