admin
نیوزی لینڈ کیخلاف ٹی 20 میچ ، بھارتی کرکٹر روہت شرما کی فاسٹ بولر سراج کو تھپڑ مارنے کی ویڈیو وائرل
اسلام آباد(نیوز ڈیسک)گزشتہ روز بھارت نے جہاں مہمان ٹیم نیوزی لینڈ کو پہلے ٹی ٹوئنٹی میچ میں باآسانی 5 وکٹوں سے شکست دی وہیں اس میچ میں بھارتی بولر محمد سراج اپنی انگلی زخمی کروا بیٹھے۔ 2018 کے بعد محمد سراج نے اپنا پہلا ٹی ٹوئنٹی میچ گزشتہ روز نیوزی لینڈ کے خلاف کھیلا۔
بھارت نےپہلے ٹی 20 میچ میں سنسنی خیز مقابلے کے بعد نیوزی لینڈ کو پانچ وکٹوں سے شکست دیدی۔ بھارتی ٹیم نے 165 رنز کا ہدف پانچ وکٹوں کے نقصان پر آخری اوور میں دو گیندیں قبل پورا کیا۔بھارت کی جانب سے اوپنرز نے اپنی ٹیم کو چھوٹے ہدف کے تعاقب میں شاندار آغاز فراہم کیا،دونوں بلے بازوں نے وکٹ کے چاروں جانب شاٹس کھیلیں اور پہلے ہی اوور سے بھارتی ٹیم نیوزی لینڈ پر سبقت لیتی نظر آئی۔اوپننگ بلے باز لوکیش راہول 14 گیندوں پر 15 رنز بناکر سیٹنر کی گیند پر آؤٹ ہوئے۔پہلی وکٹ گرنے کے بعد سوریا کمار یادیو بیٹنگ کے لیے آئے اور انہوں نے بھی جارحانہ انداز اپنایا۔کپتان روہت شرما 36 گیندوں پر 48 رنز بناکر ٹرینٹ بولٹ کی گیند پر آؤٹ ہوئے انکی اننگز میں چھ چوکے اور دو چھکے شامل تھے۔بھارت کی جانب سے سوریا کمار یادیو 40 گیندوں پر 62 رنز بناکر سب سے نمایاں بلے باز رہے،انکی اننگز میں چھ چوکے اور تین چھکے شامل تھے۔سوریا کمار یادیو کی وکٹ ٹرینٹ بولٹ نے حاصل کی۔بعد ازاں محمد سراج اور بھارتی کپتان روہت شرما کی ایک ویڈیو سوشل میڈیا پر وائرل ہوتی نظر آئی جس میں روہت کو مزاحیہ انداز میں سراج کے سر پر تھپڑ مارتے دیکھا جاسکتا ہے جس پر بولر نے مسکرا کر رد عمل دیا۔ وائرل ویڈیو پر سوشل میڈیا صارفین میں تجسس ہے کہ روہت شرما نے کس بات پر سراج کو سرپر ہاتھ مارا۔
