admin
ڈاکٹر کو علاج کے بہانے بلا کر زبردستی شادی کروادی گئی!! ویڈیو دیکھیں
ڈاکٹر کو علاج کے بہانے بلا کر زبردستی شادی کروادی گئی!! ویڈیو دیکھیں
بہار: (ویب ڈیسک) بھارت میں جانوروں کے ڈاکٹر کو علاج کے بہانے بلا کر زبردستی شادی کروادی گئی۔ بھارتی میڈیا کے مطابق یہ واقعہ
بھارتی ریادست بہار کے ضلع بیگو سرائے میں پیش آیا ہے جہاں ستیم کمار نامی ڈاکٹر کو اپنے مویشیوں کے علاج کے بہانے بلا کر زبردستی ایک خاتون سے شادی کروادی گئی۔
متاثرہ خاندان کا کہنا ہے کہ ستیم کمار کو نواحی گاؤں کے رہائشی نے اپنے مویشیوں کے علاج کیلئے فون کرکے بلایا، جس کے بعد بیٹا فوری طور پر گھر سے نکل گیا،
لیکن شام تک بیٹا گھر واپس نہ آیا اور نہ ہی کوئی اطلاع ملی تو ہم نے پولیس میں رپورٹ درج کروادی، اور بیٹے کی تلاش شروع کردی۔ستیم کمار کے والد نے کہا کہ
اگلے روز مجھے موبائل فون پر ایک ویڈیو کلپ موصول ہوا،
جس میں میرے بیٹے کی ایک خاتون کے ساتھ شادی
کروائی جارہی تھی۔ پولیس کا کہنا ہے کہ ہمیں پکڑوا شادی (شادی کے لیے اغوا) سے متعلق ایک شکایت موصول ہوئی ہے، واقعے کی مکمل تفتیش کی جارہی ہے ہم تمام زاویوں سے معاملہ کی تحقیقات کررہے ہیں۔ انہوں نے کہا کہ لڑکے کا اپنی مرضی سے شادی کرنے کو بھی خارج از امکان قرار نہیں دیا جا سکتا۔
دوسری جانب پاکستان میں شادی کا جھانسہ دے قصور سے رحیم یار خان بلائے جانے والے نوجوان کو اغوا کرلیا گیا، پولیس نے مغوی کے بھائی کی مدعیت میں مقدمہ درج کرلیا۔ ذرائع کے مطابق شادی کا جھانسہ دے قصور سے رحیم یار خان بلائے جانے والے 32 سالہ افضال کو اغوا کرلیا گیا،
قصور کے تھانہ گنڈا سنگھ والا پولیس نے مغوی کے بھائی کی مدعیت میں اغوا کا مقدمہ درج کرلیا ہے۔ پولیس کے مطابق درج مقدمے میں کہا گیا ہے کہ سندھ میں کچے کے علاقے سے اغواکاروں نے خاتون بن کر نوجوان افضال کو شادی کا لالچ دیا جس پر افضال خاتون سے شادی کی غرض سے رحیم یار خان چلا گیا
جہاں اسے اغواکاروں نے یرغمال بنالیا ہے۔ مدعی مقدمہ کے مطابق اغواکاروں نے افضال کی رہائی کے لیے لاکھوں روپے کا تاوان طلب کیا ہے اور وہ میرے بھائی افضال کو تشدد کا نشانہ بنا کر اسکی ویڈیو ہمیں بھیجتے ہیں۔ مدعی مقدمہ کے مطابق اغواکار بھائی کے موبائل سے واٹس ایپ پر ویڈیو کال کرکے تاوان مانگتے ہیں۔
