admin
زمین پر بیٹھی ہیں مگر ہمت نہیں ہاری ۔۔ حکومت نے ڈاکٹر یاسمین راشد کے ساتھ کیا کیا؟ ویڈیو وائرل
پاکستان کے گرما گرم سیاسی ماحول میں جہاں حکومت اور عمران خان کے درمیان بیانات کی جنگ جاری تھی اب وہیں حکومت کی جانب سے پاکستان تحریک انصاف کے رہنماؤں کے گھروں پر چھاپے مارے جا رہے ہیں اور انہیں گرفتار کرنے کی کوشش کی جا رہی ہے۔
سوشل میڈیا پر ڈاکٹر یاسمین راشد کی ایک ویڈیو کافی وائرل ہے جس میں سابق وزیر صحت پنجاب کو سڑک پر تھک ہار کر بیٹھے ہوئے دیکھا جا سکتا ہے۔
ہرے کپڑوں میں سر پر دوپٹہ اوڑھے ڈاکٹر یاسمین راشد اگرچہ کینسر کی مریضہ ہیں لیکن حکومت وقت کی جانب سے انتقامی کاروائیوں کے خلاف ڈٹ کر کھڑی ہیں۔
ویڈیو میں دیکھا جا سکتا ہے کہ وہ اپنی جگہ سے ٹس سے مس نہیں ہو رہی ہیں، دوسری جانب اسی ویڈیو میں دیگر لوگوں کو بھی دیکھا جا سکتا ہے۔ عین ممکن ہے ڈاکٹر یاسمین راشد کے گھر بھی پولیس کی جانب سے داخلے کی کوشش کی گئی ہو، لیکن اس حوالے سے تصدیق شدہ ذرائع سے خبر سامنے نہیں آئی ہے۔
مگر حال ہی میں کینسر جیسے موذی مرض سے نکل کر آنے والی سابق وزیر صحت پنجاب کے ساتھ اس طرح کا رویہ تشویشناک ضرور ہے، لیکن وہیں یاسمین راشد کا پُر امن طریقے سے اپنے حق کے لیے کھڑا ہونا بھی سب کی توجہ حاصل کر رہا تھا۔
